Tarixi va qurilish maqsadi
Binbirdirek suv ombori yoki boshqacha nomi bilan Filoksenos suv ombori İstanbuldagi ikkinchi yirik suv ombori hisoblanadi. Qadimgi Vizantiya manbalariga ko’ra, u 4-asrda Vizantiya imperatori Konstantin I davrida rimlik senator Filoksenos tomonidan qurdirilgan.
Vaqt o’tishi bilan suvi qurib qolgan bu inshoot 16-asrdan boshlab ustaxona sifatida foydalanilgan. Ippodromning g’arbiy qismida joylashgan 3584 kvadrat metr maydondagi suv ombori qalin devorlar bilan o’ralgan.
Wikimedia (CC BY-SA 4.0)
Meʼmoriy xususiyatlari va ustunlar
Suv ombori ichida bir-birining ustiga qo’yilgan ikki tanadan iborat hamda ustida hech qanday bezak bo’lmagan kesik piramida shaklidagi boshliqlarni ko’tarib turgan ustunlar mavjud. Ustun tanalariga o’yib yozilgan yunon harflari inshoot qurilishida ishlagan va ustunlarni yo’nib tayyorlagan toshyo’nuvchilarning belgilari ekanligi ma’lum.
Dastlab 224 ta asl ustunni o’z ichiga olgan inshootning bugungi kunga kelib 212 tasi saqlanib qolgan. G’isht gumbazlarni ko’tarib turgan bu qo’shaloq ustunlar va bezaksiz boshliqlar binoga o’ziga xos ko’rinish beradi.
Wikimedia (CC BY-SA 4.0)